G 20 ಶೃಂಗಸಭೆಯಲ್ಲಿ ರಾಗಿ , ಸಿರಿಧಾನ್ಯಗಳ ಅಡುಗೆ ತರಬೇತಿ

Share

ಸೆಪ್ಟೆಂಬರ್ 9 ಮತ್ತು 10 ರಂದು ನಡೆಯಲಿರುವ ಬಹು ನಿರೀಕ್ಷಿತ G20 ಶೃಂಗಸಭೆಗೆ ವಿಶ್ವದಾದ್ಯಂತದ ನಾಯಕರನ್ನು ಸ್ವಾಗತಿಸಲು ರಾಷ್ಟ್ರ ರಾಜಧಾನಿ ದೆಹಲಿ ಸಜ್ಜಾಗಿದೆ. ಯೋಜಿತ ಶೃಂಗಸಭೆಯ ಕಾರ್ಯಕ್ರಮಗಳ ಸರಣಿಯ ಜೊತೆಗೆ, ಖ್ಯಾತ ಬಾಣಸಿಗ ಕುನಾಲ್ ಕಪೂರ್ ನೇತೃತ್ವದಲ್ಲಿ ಪ್ರಥಮ ಮಹಿಳೆಯರಿಗೆ ವಿಶೇಷ ಅಡುಗೆ ತರಗತಿಯನ್ನು ಏರ್ಪಡಿಸಲಾಗಿದೆ.
ಇದನ್ನು “ಜೀವಮಾನದಲ್ಲಿ ಒಮ್ಮೆ ಸಿಗುವ ಅವಕಾಶ” ಎಂದು ಹೇಳಿರುವ ಕುನಾಲ್, ಭಾರತ ಮತ್ತು ಭಾರತೀಯ ಆಹಾರ, ಕಲೆ ಮತ್ತು ಸಂಸ್ಕೃತಿಯನ್ನು ಪ್ರತಿನಿಧಿಸಲು ತಾನು ಧನ್ಯ ಎಂದು ಮಾಧ್ಯಮ ಒಂದಕ್ಕೆ ತಿಳಿಸಿದ್ದಾರೆ. “ಅಡುಗೆ ಕೇವಲ ಕಲೆಯಲ್ಲ, ಮಹಾಶಕ್ತಿಯೂ ಹೌದು. ಕೆಲವರು ಆಟೋಟಗಳಲ್ಲಿ ಸಾಧಿಸಿವಂತೆ ನನ್ನ ಮಹಾಶಕ್ತಿ ಅಡುಗೆ ಮಾಡುವುದರಲ್ಲಿದೆ. ಇದು ಬಹಳ ಲಾಭದಾಯಕ ಮತ್ತು ಈ ಎಲ್ಲಾ ವರ್ಷಗಳ ಶ್ರಮವು ಅಂತಿಮವಾಗಿ ನನ್ನ ಪ್ರತಿಭೆಯನ್ನು ಅವರೊಂದಿಗೆ ಪ್ರದರ್ಶಿಸುವ ಮೂಲಕ ಫಲ ನೀಡಲಿದೆ, ”ಎಂದು ಅವರು ತಮ್ಮ ಸಂತೋಷವನ್ನು ಹಂಚಿಕೊಂಡಿದ್ದಾರೆ.
ಅವರು ಕೇವಲ ಪ್ರಥಮ ಮಹಿಳೆಯರಿಗೆ ಕೆಲವು ಅಧಿಕೃತ ಭಾರತೀಯ ಭಕ್ಷ್ಯಗಳನ್ನು ನೀಡುವುದಲ್ಲದೆ, ವಿಶೇಷ ತರಗತಿಯನ್ನು ನಡೆಸುವ ಮೂಲಕ ಅಡುಗೆಯ ವಿಶಿಷ್ಟ ಅನುಭವ ನೀಡಲಾಗುವುದು ಎಂದು ಹೇಳಿದ್ದಾರೆ. “ಜಿ 20 ಶೃಂಗಸಭೆಗೆ ಬರುವ ಎಲ್ಲಾ ಪ್ರಥಮ ಮಹಿಳೆಯರಿಗೆ ಅಡುಗೆ ಮಾಡಲು ನನಗೆ ಅವಕಾಶವಿದೆ. ನಾನು ಅವರಿಗೆ ಅಡುಗೆ ತರಗತಿಯನ್ನು ನಡೆಸುತ್ತೇನೆ. ನಾನು ಮಾಡಲು ಪ್ರಯತ್ನಿಸುತ್ತಿರುವುದು ಭಾರತೀಯ ಆಹಾರ ಮತ್ತು ಭಾರತೀಯ ಅಡುಗೆಗಳನ್ನು ಪ್ರದರ್ಶಿಸುವುದು, ವಿಶೇಷವಾಗಿ ಭಾರತೀಯ ರಾಗಿ ಹಾಗು ಇತರ ಸಿರಿಧಾನ್ಯಗಳ ಬಳಕೆ ಮತ್ತು ಭಾರತ ಸರ್ಕರದ ಬೆಂಬಲದೊಂದಿಗೆ ವಿಶ್ವಸಂಸ್ಥೆಯಿಂದ ಘೋಷಿಸಲ್ಪಟ್ಟ ಮತ್ತು ‘ಅಂತರರಾಷ್ಟ್ರೀಯ ರಾಗಿ ಹಾಗು ಸಿರಿಧಾನ್ಯ ವರ್ಷ’ ಎಷ್ಟು ಮುಖ್ಯವಾಗಿದೆ, ”ಎನ್ನುವುದನ್ನು ಅರ್ಥ ಮಾಡಿಸಲು ಪ್ರಯತ್ನಿಸುವುದಾಗಿ ಕುನಾಲ್ ಹೇಳಿದ್ದಾರೆ.
ಅಡುಗೆ ಮಾಡುವಾಗ ಅವರು ದೆಹಲಿ-ಎನ್‌ಸಿಆರ್‌ನಿಂದ ಸ್ಥಳೀಯ ಮೂಲದ ಉತ್ಪನ್ನಗಳನ್ನು ಮಾತ್ರ ಬಳಸುವುದಾಗಿ ತಿಳಿಸಿದ್ದಾರೆ. “ಇದು ತುಂಬಾ ನಿಕಟವಾದ ವಿಷಯವಾದ್ದರಿಂದ, ಭಾರತೀಯ ಆಹಾರವು ತುಂಬಾ ಮಸಾಲೆಯುಕ್ತ ಮತ್ತು ಅನಾರೋಗ್ಯಕರವಾಗಿದೆ ಎಂಬ ಕೆಲವು ನಿಯಮಗಳನ್ನು ಮುರಿಯುವುದಾಗಿ ತಿಳಿಸಿದ್ದಾರೆ. ರಾಗಿ ಹಾಗು ಸಿರಿಧಾನ್ಯಗಳು ಕೆಲವು ದಶಕಗಳ ಹಿಂದೆಯಿಂದ ಭಾರತವು ಯಾವಾಗಲೂ ತಿನ್ನುತ್ತಿದ್ದ ವಸ್ತುವಾಗಿತ್ತು, ”ಎಂದು ಅವರು ಹೇಳಿದ್ದಾರೆ.

Share