ನಾನು ನನ್ನ ಜೀವನ ನಡೆಸಿದ್ದೇನೆ ಯುವಕನ ಜೀವನ ಉಳಿಸುವುದು ಹೆಚ್ಚು ಮುಖ್ಯ – ಆರ್ ಎಸ್ ಎಸ್ ಸದಸ್ಯ

ಯುವ ರೋಗಿಗಾಗಿ ನಾಗ್ಪುರ ಆಸ್ಪತ್ರೆಯಿಂದ ಸ್ವಯಂಪ್ರೇರಣೆಯಿಂದ ಹೊರನಡೆದ 85 ವರ್ಷದ ವ್ಯಕ್ತಿಯೊಬ್ಬರು ಮಂಗಳವಾರ ತಮ್ಮ ಮನೆಯಲ್ಲಿ ನಿಧನರಾಗಿದ್ದಾರೆ. ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ (ಆರ್‌ಎಸ್‌ಎಸ್) ಸದಸ್ಯ ನಾರಾಯಣ್ ದಾಭಲ್ಕರ್ ಅವರು ಕೊರೋನ ಸೋಂಕು ತಗುಲಿದ ಬಳಿಕ ನಂತರ ಅವರನ್ನು ನಾಗಪುರದ ಇಂದಿರಾಗಾಂಧಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ದೇಹದಲ್ಲಿ ಆಮ್ಲಜನಕದ ಮಟ್ಟ ಕಡಿಮೆ ಇದ್ದರೂ ನಾರಾಯಣ್ ದಾಭಲ್ಕರ್ ತಮ್ಮ ವೈದ್ಯರ ವೈದ್ಯಕೀಯ ಸಲಹೆಗೆ ವಿರುದ್ಧವಾಗಿ ಮನೆಗೆ ತೆರಳಿದರು.
ಅವರು ಮಹಿಳೆಯೊಬ್ಬಳು ತನ್ನ 40 ವರ್ಷದ ಗಂಡನನ್ನು ಆಸ್ಪತ್ರೆಗೆ ದಾಖಲಿಸುವಂತೆ ಮನವಿ ಮಾಡಿದ್ದನ್ನು ನೋಡಿದ ನಂತರ ತಾವು ಡಿಸ್ಚಾರ್ಜ್ ಆಗಿ ತೆರಳಲು ನಿರ್ಧರಿಸಿದರು. 85 ವರ್ಷ ವಯಸ್ಸಿನ ದಾಭಲ್ಕರ್ ರವರು ವೈದ್ಯರಿಗೆ, “ನನ್ನ ವಯಸ್ಸು 85. ನಾನು ನನ್ನ ಜೀವನವನ್ನು ನಡೆಸಿದ್ದೇನೆ. ಯುವಕನ ಜೀವವನ್ನು ಉಳಿಸುವುದು ಹೆಚ್ಚು ಮುಖ್ಯ. ಅವರ ಮಕ್ಕಳು ಚಿಕ್ಕವರು … ದಯವಿಟ್ಟು ನನ್ನ ಹಾಸಿಗೆಯನ್ನು ಅವರಿಗೆ ನೀಡಿ” ಎಂದು ಕೇಳಿಕೊಂಡರು ಎಂದು ತಿಳಿದುಬಂದಿದೆ.
ಅವರ ಸ್ಥಿತಿ ಸ್ಥಿರವಾಗಿಲ್ಲ ಮತ್ತು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಅಗತ್ಯ ಎಂದು ವೈದ್ಯರು ಆಕ್ಟೋಜೆನೇರಿಯನ್‌ಗೆ ತಿಳಿಸಿದರು.
ಆದಾಗ್ಯೂ, 85 ವರ್ಷದ ವೃದ್ಧರು ತನ್ನ ಮಗಳನ್ನು ಕರೆದು ಪರಿಸ್ಥಿತಿಯ ಬಗ್ಗೆ ತಿಳಿಸಿ ಮನೆಗೆ ಕರೆದುಕೊಂಡು ಹೋಗಲು ಸೂಚಿಸಿದ್ದಾರೆ.
ಅವರನ್ನು ಮನೆಗೆ ಕರೆದುಕೊಂಡು ಹೋದ ಮೂರು ದಿನಗಳ ನಂತರ ಅವರು ನಿಧನರಾಗಿರುವುದು ವರದಿಯಾಗಿದೆ.
ಸೋಮವಾರ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿರುವ ಪ್ರಕಾರ, ನಾರಾಯಣ್ ದಾಭಲ್ಕರ್ ಯುವ ರೋಗಿಗೆ ಹಾಸಿಗೆಯನ್ನು ತ್ಯಾಗ ಮಾಡಿದ್ದಾರೆ.
“ಏಪ್ರಿಲ್ 22 ರಂದು ಅವರ ಆಮ್ಲಜನಕದ ಮಟ್ಟ ಕಡಿಮೆಯಾದಾಗ ನಾವು ಅವರನ್ನು ಐಜಿಆರ್ಗೆ ಕರೆದೊಯ್ದೆವು. ಹೆಚ್ಚಿನ ಪ್ರಯತ್ನದ ನಂತರ ನಮಗೆ ಹಾಸಿಗೆ ಸಿಕ್ಕಿತು ಆದರೆ ಅವರು ಒಂದೆರಡು ಗಂಟೆಗಳಲ್ಲಿ ಮನೆಗೆ ಮರಳಿದರು. ನನ್ನ ಕೊನೆಯ ಕ್ಷಣಗಳನ್ನು ನಮ್ಮೊಂದಿಗೆ ಕಳೆಯಲು ಆದ್ಯತೆ ನೀಡುವುದಾಗಿ ನನ್ನ ತಂದೆ ಹೇಳಿದರು. ” ಅವರ ಮಗಳು ಹೇಳಿದ್ದಾರೆ.
ಖಾಸಗಿ ಚಾನಲ್ ನವರು ಆಸ್ಪತ್ರೆಯ ಸಿಬ್ಬಂದಿಯನ್ನು ಸಂಪರ್ಕಿಸಿದಾಗ ಈ ಘಟನೆ ನಡೆದಿರುವುದು ನಿಜವೆಂದು ಆದರೆ ಬೆಡ್ಡನ್ನು ಯಾರಿಗೆ ನೀಡಬೇಕು ಎಂದು ರೋಗಿಯು ನಿರ್ಧರಿಸಲು ಆಗುವುದಿಲ್ಲ, ವೈದ್ಯರು ಇತರ ರೋಗಿಗಳ ಸ್ಥಿತಿ ನೋಡಿ ನಿಗದಿಪಡಿಸುತ್ತಾರೆ . ಆದರೆ ಆ ಸಮಯದಲ್ಲಿ ಒತ್ತಡ ಸ್ವಲ್ಪ ಕಡಿಮೆಯಾಗಿದಂತೂ ನಿಜ ಎಂದು ತಿಳಿಸಿದ್ದಾರೆ.