UPSC ಪರೀಕ್ಷೆಯಲ್ಲಿ ಕಟ್ಟಡ ಕಾರ್ಮಿಕನ ಪುತ್ರಿ ತೇರ್ಗಡೆ

ತಿರುವನಂತಪುರಂ: ಕಟ್ಟಡ ಕಾರ್ಮಿಕರ ಮಗಳಾದ ಅಶ್ವತಿ ಎಸ್, ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ (ಯುಪಿಎಸ್‌ಸಿ) ಸಿವಿಲ್ ಸರ್ವೀಸಸ್ ಪರೀಕ್ಷೆ -2020 ಯಲ್ಲಿ 481 ನೇ ಸ್ಥಾನ ಪಡೆದು ತೇರ್ಗಡೆ ಹೊಂದಿದ್ದಾರೆ.
ಶನಿವಾರ ANI ಯೊಂದಿಗೆ ಮಾತನಾಡುವಾಗ, ಶ್ರೀಮತಿ ಅಶ್ವಥಿ ಅವರು, “ಇದು ನನ್ನ ನಾಲ್ಕನೇ ಪ್ರಯತ್ನವಾಗಿದೆ ನಾಗರಿಕ ಸೇವಾ ಪರೀಕ್ಷೆ ನಾನು ಬರವಣಿಗೆಯ ಅಭ್ಯಾಸ ಮತ್ತು ವಿಷಯ ಸುಧಾರಣೆಯ ಮೇಲೆ ಗಮನ ಹರಿಸಿದ್ದೇನೆ, ಇದರಿಂದ ನಾನು ನನ್ನ ವಿಷಯವನ್ನು ಪತ್ರಿಕೆಗಳಲ್ಲಿ ಚೆನ್ನಾಗಿ ಪ್ರಸ್ತುತಪಡಿಸಿದ್ದೆ ಮತ್ತು ಇದಕ್ಕೆ ಮುಂಚೆ ಮೂರು ಬಾರಿಯು ಮೊದಲ ಹಂತದಲ್ಲೆ ನಪಾಸಾಗಿದ್ದೆ ” ಎಂದು ತಿಳಿಸಿದ್ದಾರೆ.
ಆಕೆಯ ತಂದೆ ಶ್ರೀ ಪ್ರೇಮಕುಮಾರ್, “ನನಗೆ ತುಂಬಾ ಸಂತೋಷವಾಗಿದೆ. ಕಷ್ಟದ ಸಂದರ್ಭಗಳಲ್ಲಿ, ಅವಳು ನಾಗರಿಕ ಸೇವಾ ಪರೀಕ್ಷೆಯಲ್ಲಿ ಉತ್ತೀರ್ಣಳಾಗಿದ್ದಾಳೆ. ನಾನು ಅವಳ ಬಗ್ಗೆ ಹೆಮ್ಮೆಪಡುತ್ತೇನೆ. ಅವಳು ತನ್ನ ಅಧ್ಯಯನದಲ್ಲಿ ಅತ್ಯುತ್ತಮವಾಗಿದ್ದಳು” ಎಂದು ಹೇಳಿದ್ದಾರೆ.
ಇದಕ್ಕೂ ಮುನ್ನ ಶುಕ್ರವಾರ, ಯುಪಿಎಸ್‌ಸಿ ನಾಗರಿಕ ಸೇವೆಗಳ ಪರೀಕ್ಷೆಯ ಅಂತಿಮ ಫಲಿತಾಂಶವನ್ನು ಘೋಷಿಸಿತು, 2020 ರಲ್ಲಿ ಒಟ್ಟು 761 ಅಭ್ಯರ್ಥಿಗಳನ್ನು ನೇಮಕಾತಿಗೆ ಶಿಫಾರಸು ಮಾಡಲಾಗಿದೆ. ಬಿಹಾರದ ಕತಿಹಾರ್ ನ ಶುಭಂ ಕುಮಾರ್ ಪರೀಕ್ಷೆಯಲ್ಲಿ ಮೊದಲ ಸ್ಥಾನ ಪಡೆದಿದ್ದಾರೆ.