ಅಂತ್ಯಕ್ರಿಯೆಗೆ ಕೆಲವೇ ನಿಮಿಷಗಳ ಮೊದಲು ಎಚ್ಚರಗೊಂಡ ಕೊರೋನ ಸೋಂಕಿನ ಮಹಿಳೆ

ಒಂದು ವಿಚಿತ್ರ ಘಟನೆಯಲ್ಲಿ, ಮಹಾರಾಷ್ಟ್ರದ ಬಾರಾಮತಿಯ ಮುಧಲೆ ಗ್ರಾಮದಲ್ಲಿ, 76 ವರ್ಷದ ಮಹಿಳೆ ಮೃತಪಟ್ಟಿದ್ದಾಳೆಂದು ನಂಬಲಾಗಿತ್ತು. ಶಕುಂತಲಾ ಗೈಕ್ವಾಡ್ ಎಂದು ಗುರುತಿಸಲ್ಪಟ್ಟ ಮಹಿಳೆ ಕೆಲವು ದಿನಗಳ ಹಿಂದೆ ಕೋವಿಡ್ -19 ಸೋಂಕಿಗೆ ದೃಢ ಪಟ್ಟಿದ್ದಳು. ಅವಳು ಮನೆಯಲ್ಲಿ ಐಸೊಲೇಶನ್ನಲ್ಲಿದ್ದಳು. ಆದರೆ ವೃದ್ಧಾಪ್ಯದಿಂದಾಗಿ ಆಕೆಯ ಸ್ಥಿತಿ ಹದಗೆಟ್ಟಿದ ನಂತರ ಕುಟುಂಬವು ಅವಳನ್ನು ಬಾರಾಮತಿಯ ಆಸ್ಪತ್ರೆಗೆ ಸ್ಥಳಾಂತರಿಸಲು ನಿರ್ಧರಿಸಿತು. ಮೇ 10 ರಂದು ವೃದ್ಧ ಮಹಿಳೆಯನ್ನು ಖಾಸಗಿ ವಾಹನದಲ್ಲಿ ಬಾರಾಮತಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಕುಟುಂಬವು ಬಾರಾಮತಿಯಲ್ಲಿ ಆಸ್ಪತ್ರೆಯಲ್ಲಿ ಬೆಡ್ ಗೆ ಪ್ರಯತ್ನಿಸಿದರೂ ಸಿಗಗಲಿಲ್ಲ. ಅವರು ಕಾರಿನಲ್ಲಿ ಕಾಯುತ್ತಿದ್ದಾಗ ಮಹಿಳೆ ಪ್ರಜ್ಞೆ ತಪ್ಪಿ ಚಲಿಸುವುದನ್ನು ನಿಲ್ಲಿಸಿದಳು.
ಮಹಿಳೆ ಮೃತಪಟ್ಟಿದ್ದಾಳೆ ಎಂದು ಕುಟುಂಬ ಭಾವಿಸಿತು. ಅವರು ತಮ್ಮ ಸಂಬಂಧಿಕರಿಗೆ ಕೊನೆಯ ವಿಧಿಗಳ ಬಗ್ಗೆ ಮಾಹಿತಿ ನೀಡಿದರು. ಕುಟುಂಬವು ಅವಳನ್ನು ಮನೆಗೆ ಕರೆದುಕೊಂಡು ಹೋಗಿ ಶವ ಸಂಸ್ಕಾರಕ್ಕೆ ಸಿದ್ಧತೆ ಆರಂಭಿಸಿತು. ಶಕುಂತಲಾ ಮರಣಕ್ಕೆ ಸಂಬಂಧಿಕರು ಶೋಕಿಸಿ, ಮಹಿಳೆಯನ್ನು ತನ್ನ ಅಂತಿಮ ಪ್ರಯಾಣಕ್ಕಾಗಿ ತಯಾರು ಮಾಡಲಾಯಿತು. ಚಿತೆಯ ಮೇಲೆ ಮಲಗಿಸಿದ್ದ
ಮಹಿಳೆ ಇದ್ದಕ್ಕಿದ್ದಂತೆ ಅಳಲು ಪ್ರಾರಂಭಿಸಿದಳು ಮತ್ತು ನಂತರ ಕಣ್ಣು ತೆರೆದಳು. ಆಘಾತಕ್ಕೊಳಗಾದ ಆಕೆಯ ಕುಟುಂಬ ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ಯಿತು.
ಬಾರಾಮತಿಯ ಮುಧಲೆ ಗ್ರಾಮದಲ್ಲಿ ಈ ಘಟನೆ ನಡೆದಿದೆ ಎಂದು ಪೊಲೀಸ್ ಸಂತೋಷ್ ಗೈಕ್ವಾಡ್ ಖಚಿತಪಡಿಸಿದ್ದಾರೆ. ಏತನ್ಮಧ್ಯೆ, ಹೆಚ್ಚಿನ ಚಿಕಿತ್ಸೆಗಾಗಿ ಮಹಿಳೆಯನ್ನು ಬಾರಾಮತಿಯ ಸಿಲ್ವರ್ ಜುಬಿಲಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಸಿಲ್ವರ್ ಜುಬಿಲಿ ಆಸ್ಪತ್ರೆಯ ಸಂಸ್ಥಾಪಕ ಡಾ.ಸದಾನಂದ್ ಕೇಲ್ ತಿಳಿಸಿದ್ದಾರೆ.ಚಿತ್ರ ಕೃಪೆ ಇಂಡಿಯಾ ಟುಡೆ