ಜೆರ್ಮನಿ : ರೆಡ್ ಕ್ರಾಸ್ ನರ್ಸ್ ಒಬ್ಬರು ಲವಣಯುಕ್ತ ದ್ರಾವಣವನ್ನು ಇಂಜೆಕ್ಟ್ ಮಾಡಿರಬಹುದು ಎಂದು ಪೋಲಿಸ್ ತನಿಖೆಯಲ್ಲಿ ಪತ್ತೆಯಾದ ನಂತರ ಉತ್ತರ ಜರ್ಮನಿಯ ಅಧಿಕಾರಿಗಳು ಮಂಗಳವಾರ ಸಾವಿರಾರು ಜನರಿಗೆ ಕೋವಿಡ್ -19 ಲಸಿಕೆಯ ಮತ್ತೊಂದು ಬಾರಿ ಪಡೆಯಲು ಮನವಿ ಮಾಡಿದ್ದಾರೆ ಎಂದು ವರದಿಯಾಗಿದೆ.
ಉತ್ತರ -ಸಮುದ್ರ ತೀರದ ಸಮೀಪದ ಗ್ರಾಮೀಣ ಜಿಲ್ಲೆಯ ಫ್ರೈಸ್ಲ್ಯಾಂಡ್ನಲ್ಲಿನ ಲಸಿಕೆ ಕೇಂದ್ರದಲ್ಲಿ ನಿಜವಾದ ಡೋಸ್ಗಳ ಬದಲು ನರ್ಸ್ ಉಪ್ಪಿನ ದ್ರಾವಣವನ್ನು ಜನರಿಗೆ ನೀಡಿರುವ ಶಂಕೆ ಇದೆ.
“ಈ ಕೃತ್ಯದಿಂದ ನಾನು ಸಂಪೂರ್ಣವಾಗಿ ಆಘಾತಕ್ಕೊಳಗಾಗಿದ್ದೇನೆ” ಎಂದು ಸ್ಥಳೀಯ ಕೌನ್ಸಿಲರ್ ಸ್ವೆನ್ ಡಿ ಆಂಬ್ರೋಸಿ ಅವರು ಫೇಸ್ಬುಕ್ನಲ್ಲಿ ಹೇಳಿದ್ದಾರೆ.
ಸ್ಥಳೀಯ ಅಧಿಕಾರಿಗಳು ಸುಮಾರು 8,600 ನಿವಾಸಿಗಳಿಗೆ ಮತ್ತೆ ಲಸಿಕೆ ತೆಗೆದುಕೊಳ್ಳಲು ಸೂಚಿಸಿದ್ದಾರೆ ಎಂದು ತಿಳಿದುಬಂದಿದೆ.
ಪೋಲಿಸ್ ತನಿಖಾಧಿಕಾರಿ ಪೀಟರ್ ಬೀರ್, ಈ ಹಿಂದೆ ಜರ್ಮನ್ ಮಾಧ್ಯಮದ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಾ, ಸಾಕ್ಷಿ ಹೇಳಿಕೆಗಳ ಆಧಾರದ ಮೇಲೆ “ಅಪಾಯದ ಬಗ್ಗೆ ಒಂದು ಸಮಂಜಸವಾದ ಅನುಮಾನವಿದೆ” ಎಂದು ಹೇಳಿದ್ದಾರೆ.
ಈ ಕೃತ್ಯವೆಸಗಿದ ಹೆಸರಿಸದ ನರ್ಸ್ನ ಉದ್ದೇಶ ಸ್ಪಷ್ಟವಾಗಿಲ್ಲ ಆದರೆ ತನಿಖಾಧಿಕಾರಿಗಳು ಅವರ ಸಾಮಾಜಿಕ ಮಾಧ್ಯಮ ಪೋಸ್ಟ್ಗಳಲ್ಲಿ ಲಸಿಕೆಗಳ ಬಗ್ಗೆ ಸಂಶಯಾಸ್ಪದ ಅಭಿಪ್ರಾಯಗಳನ್ನು ವ್ಯಕ್ತ ಪಡಿಸಿದ್ದಾರೆ.
ಈ ಪ್ರಕರಣದಲ್ಲಿ ಶಂಕಿತರನ್ನು ಬಂಧಿಸಲಾಗಿದೆಯೇ ಅಥವಾ ಆರೋಪಿಸಲಾಗಿದೆಯೇ ಎಂಬುದು ತಕ್ಷಣವೇ ಸ್ಪಷ್ಟವಾಗಿಲ್ಲ, ಬ್ರಾಡ್ಕಾಸ್ಟರ್ ಎನ್ಡಿಆರ್ ಪ್ರಕಾರ ರಾಜಕೀಯ ಪ್ರೇರಿತ ಅಪರಾಧಗಳನ್ನು ತನಿಖೆ ಮಾಡುವ ವಿಶೇಷ ಘಟಕಕ್ಕೆ ಹಸ್ತಾಂತರಿಸಲಾಗಿದೆ. ಪ್ರತಿಕ್ರಿಯಿಸಲು ಸ್ಥಳೀಯ ಪೊಲೀಸರು ಪ್ರತಿಕ್ರಿಯಿಸಲು ನಿರಾಕರಿಸಿದ್ದಾರೆ ಎಂದು ತಿಳಿದುಬಂದಿದೆ.