ಚೆನ್ನೈ: ಮೂರನೇ ಮೂತ್ರಪಿಂಡ ಕಸಿ ಮಾಡಿದ 41 ವರ್ಷದ ವ್ಯಕ್ತಿಯು ದೇಹದಲ್ಲಿ ಈಗ ಐದು ಕಿಡ್ನಿಗಳನ್ನು ಹೊಂದಿದ್ದಾನೆ.
ಮಂಗಳವಾರ, ಅವರ ಶಸ್ತ್ರಚಿಕಿತ್ಸೆಯ ಮೊದಲ ತಪಾಸಣೆಯ ನಂತರ, ಮದ್ರಾಸ್ ಮೆಡಿಕಲ್ ಮಿಷನ್‌ನ ಶಸ್ತ್ರಚಿಕಿತ್ಸಕರು ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಿದ್ದಾರೆ.
ಮೂರನೇ ಮೂತ್ರಪಿಂಡ ಕಸಿಯು ಆಯ್ದ ರೋಗಿಗಳ ಚಿಕಿತ್ಸಗೆ ಸಾದ್ಯ ಎನ್ನುವ ವಿಶ್ವಾಸ ಮೂಡಿದೆ ಎಂದು ಮೂತ್ರಪಿಂಡ ಕಸಿ ತಂಡ ಹೇಳಿದೆ.
1994 ರಲ್ಲಿ, ರೋಗಿಯು 14 ವರ್ಷದವನಾಗಿದ್ದಾಗ, ಅವನ ಮೂತ್ರಪಿಂಡಗಳು ವಿಫಲವಾದವು, ಅವನ ಮೊದಲ ಕಸಿ ಒಂಬತ್ತು ವರ್ಷಗಳ ಕಾಲ ಕೆಲಸ ಮಾಡಿತು. ಎರಡನೆಯದು 2005 ರಲ್ಲಿ 12 ವರ್ಷಗಳ ಕಾಲ ಕಾರ್ಯ ನಿರ್ವಹಿಸಿತ್ತು. ಆದರೆ, ಮುಂದಿನ ನಾಲ್ಕು ವರ್ಷಗಳವರೆಗೆ, ಅವರು ವಾರಕ್ಕೆ ಮೂರು ಭಾರಿ ಡಯಾಲಿಸಿಸ್ ಮಾಡಿಸಿಕೊಳ್ಳುತ್ತಿದ್ದರು.
ದೀರ್ಘಕಾಲದ ಮೂತ್ರಪಿಂಡ ಅಸ್ವಸ್ಥತೆ ಹೊಂದಿರುವ ರೋಗಿಗಳಲ್ಲಿ, ಮೂತ್ರಪಿಂಡಗಳು ಮೂತ್ರದ ಮೂಲಕ ದೇಹದ ತ್ಯಾಜ್ಯವನ್ನು ಫಿಲ್ಟರ್ ಮಾಡುವುದನ್ನು ನಿಲ್ಲಿಸುತ್ತವೆ. ರೋಗವು ಮುಂದುವರೆದಂತೆ, ಮೂತ್ರಪಿಂಡದ ಕಾರ್ಯವನ್ನು ಡಯಾಲಿಸಿಸ್ ಮೂಲಕ ತೆರೆಯಲಾಗುತ್ತದೆ.
“ಅವರ ಅನಿಯಂತ್ರಿತ ಅಧಿಕ ರಕ್ತದೊತ್ತಡದಿಂದಾಗಿ ಅವರ ಮೊದಲ ಮತ್ತು ಎರಡನೆಯ ಕಸಿ ವಿಫಲವಾಗಿತ್ತೆಂದು ವರದಿಯಾಗಿದೆ.
ಅವರು ಆಸ್ಪತ್ರೆಯಲ್ಲಿ ಮಾರ್ಚ್ನಲ್ಲಿ ಹೃದಯದಲ್ಲಿನ ಬ್ಲಾಕ್ಗಳನ್ನು ಸರಿಪಡಿಸಲು ಮೂರು ಬೈಪಾಸ್ ಶಸ್ತ್ರಚಿಕಿತ್ಸೆಗೆ ಒಳಗಾದರು” ಎಂದು ಕಸಿ ಶಸ್ತ್ರಚಿಕಿತ್ಸಕ ಡಾ.ಎಸ್.ಶರವಣನ್ ಹೇಳಿದ್ದಾರೆ.
ವೈದ್ಯರು ನೀಡಬಹುದಾದ ಅತ್ಯುತ್ತಮ ಆಯ್ಕೆ ಕಸಿ ಮಾಡುವುದಾಗಿದ್ದರೂ, ಪ್ರಕ್ರಿಯೆಯು ಕಷ್ಟಕರವಾಗಿತ್ತು. ಮೊದಲಿಗೆ, ರೋಗಿಯ ದೇಹದಲ್ಲಿ ಎರಡು ಸ್ವಂತ ಮೂತ್ರಪಿಂಡಗಳು ಮತ್ತು ಎರಡು ದಾನಿ ಮೂತ್ರಪಿಂಡಗಳು ಇದ್ದವು. ಈಗ ವೈದ್ಯರು ಐದನೇ ಮೂತ್ರಪಿಂಡ ಜೋಡಿಸಲು ದೇಹದಿಳಗೆ ಸ್ಥಳ ಹುಡುಕಬೇಕಾಯಿತು.
“ರಕ್ತನಾಳಗಳೊಂದಿಗೆ ಹೊಸ ಮೂತ್ರಪಿಂಡಗಳನ್ನು ಸಂಪರ್ಕಿಸುವುದು ಹೆಚ್ಚು ಸವಾಲಿನ ಸಂಗತಿಯಾಗಿತ್ತು. ನಾಲ್ಕು ನಿಷ್ಕ್ರಿಯ ಮೂತ್ರಪಿಂಡಗಳೊಂದಿಗೆ, ಅಪಧಮನಿಗಳು ಅಥವಾ ರಕ್ತನಾಳಗಳಲ್ಲಿ ಯಾವುದೇ ಜಾಗ ಉಳಿದಿರಲಿಲ್ಲ” ಎಂದು ತಜ್ಞರು ಹೇಳಿದ್ದಾರೆ.
ಅಪಾರ ರಕ್ತಸ್ರಾವದ ಅಪಾಯದಿಂದಾಗಿ ರೋಗಿಯ ನಿಷ್ಕ್ರಿಯವಾದ ಮೂತ್ರಪಿಂಡಗಳನ್ನು ಕಸಿ ಶಸ್ತ್ರಚಿಕಿತ್ಸಕರು ತೆಗೆದುಹಾಕುವುದಿಲ್ಲ. “ಅದು ಸಂಭವಿಸಿದಾಗ, ರೋಗಿಗೆ ರಕ್ತ ವರ್ಗಾವಣೆಯ ಅಗತ್ಯವಿರುತ್ತದೆ. ಇದು ಹೊಸ ಮೂತ್ರಪಿಂಡದ ನಿರಾಕರಣೆಗೆ ಕಾರಣವಾಗುವ ಪ್ರತಿಕಾಯಗಳ ಉತ್ಪಾದನೆಗೆ ಕಾರಣವಾಗಬಹುದು,” ಎಂದು ತಜ್ಞ ವೈದ್ಯ ಸರವಣನ್ ತಿಳಿಸಿದ್ದಾರೆ.
ಚಿತ್ರ ಕೃಪೆ ಜೀ ನ್ಯೂಸ್
