*ಯುಗ ಯುಗಾದಿ ಕಳೆದರೂ………!*
ಹೊಸ ವರುಷ,
ತರಲಿ ಹರುಷ
ತೊಡೆದು ಎಲ್ಲಾ ಕಲ್ಮಶ
ಸ್ವಚ್ಚಗೊಳಿಸಲಿ ಮನಸ.
*ಮನತುಂಬಿ ಹಾರೈಸುವೆ*
ಸಾಕಾರವಾಗಲಿ ಕನಸುಗಳು,
ಈಡೇರಲಿ ಎಲ್ಲಾ ಬಯಕೆಗಳು
ಒಂದಾಗಲಿ ಮನಸುಗಳು,
ದೂರವಾಗಲಿ ಜಾತಿ ಮತ ಧರ್ಮ ಭೇದಗಳು.
*ಮನತುಂಬಿ ಹಾರೈಸುವೆ*
ಸುಗಮವಾಗಿರಲಿ ಸಾಗುವ ದಾರಿ,
ಬದಲಾಗಲಿ ಬದುಕಿನ ಪರಿ
ಪ್ರಯತ್ನಿಸಿ ಶಕ್ತಿ ಮೀರಿ,
ತಲುಪುವಿರಿ ನಿಮ್ಮ ಗುರಿ.
*ಮನತುಂಬಿ ಹಾರೈಸುವೆ*
ಬದುಕು ಒಂದು ಕನ್ನಡಿ,
ಬೇಡ ಯಾವುದೇ ಗಡಿಬಿಡಿ
ಹೊರಗಣ್ಣನ್ನು ಮುಚ್ಚಿರಿ
ಒಳಗಣ್ಣನ್ನು ತೆರೆಯಿರಿ.
*ಮನತುಂಬಿ ಹಾರೈಸುವೆ*
ಇರುವುದೊಂದೆ ಜೀವನ ಎಂಜಾಯ್ ಮಾಡಿ,
ರಾಗ ದ್ವೇಷವ ಸುಡಿ
ಶತೃಗಳಾಗಲಿ ಮಿತ್ರರು
ದ್ವೇಷಿಸುವವರಾಗಲಿ ಆತ್ಮೀಯರು.
*ಮನತುಂಬಿ ಹಾರೈಸುವೆ*
ಆತ್ಮೀಯತೆ ಬೆಳೆಯಲಿ
ಅಂಧವಿಶ್ವಾಸ ಅಳಿಯಲಿ
ಹಳೆಯ ನೋವೆಲ್ಲಾ ದೂರಾಗಲಿ
ಹೊಸತನದ ನಲಿವು ಬರಲಿ.
*ಕ್ರೋಧಿ ನಾಮ ಸಂವತ್ಸರದಲ್ಲಿ ನಿಮಗೆ ಹೊಸ ಚೈತನ್ಯ, ಸುಖ, ಶಾಂತಿ, ಸಮೃದ್ದಿ, ನೆಮ್ಮದಿ ಸಿಗಲಿ. ಯುಗಾದಿ ಹಬ್ಬದ ಶುಭಾಶಯಗಳು*
*ರಾಮ್ ಮೈಸೂರು*