ಮರೆಯಾದ ಚೇತನ
ಓ ನನ್ನ ನೆಚ್ಚಿನ ಗೆಳತಿಯೇ
ಆತ್ಮೀಯ ವಾತಾವರಣದ ರೂವಾರಿಯೆ
ಗೆಳತನಕ್ಕೆ ನೀನೊಂದು ಮಾದರಿ
ಹೇಗೆ ಮರೆಯಲಿ ನಿನ್ನನು
ಹೇಗೆ ಸಹಿಸಲಿ ಈ ಅಗಲಿಕೆಯ ನೋವನ್ನು
ಚೇತನ ಎಂಬ ನಿನ್ನಯ ಹೆಸರೇ ಚೈತನ್ಯದ ಚಿಲುಮೆಯಾಗಿರುವುದು ||1||
ಬಾಳ ಪಯಣದಲ್ಲಿ ನೋವುಂಡ
ಜೀವಿಗಳಿಗೆ
ನೀನೊಂದು ಸ್ಪೂರ್ತಿಯ ಆಗರವಾಗಿದ್ದೆ
ಸಾಂತ್ವನದ ಮೂರ್ತಿಯಾಗಿದ್ದೆ
ಎಲ್ಲರ ಮನಗಳಿಗೆ ಜೀವನೋತ್ಸಾಹದ ಗಂಗೆಯನ್ನು
ಹರಿಸಿದವಳು
ಮನಸ್ಸೆಂಬ ಶರಧಿಯಲ್ಲಿ ಅಲೆ ಅಲೆಯಾಗಿ ತೇಲಿದವಳು
ನಿನ್ನೆಲ್ಲಾ ನೋವುಗಳ, ವೇದನೆಗಳ ಮನವೆಂಬ ಜೋಳಿಗೆಯಲ್ಲಿ ಬಚ್ಚಿಟ್ಟು ಸದಾ
ಹಸನ್ಮುಖಿಯಾಗಿ ನಗೆಯ ಚೆಲ್ಲಿದವಳು ||2||
ಪರರ ಹಿತಕ್ಕಾಗಿ, ಒಳಿತಿಗಾಗಿ ಸದಾ ತುಡಿಯು ತಿತ್ತು ನಿನ್ನಯ ಮನ
ಈ ಭುವಿಯ ಮೇಲೆ ನಿನ್ನ ಇರುವಿಕೆಯ ಸಹಿಸದೆ ಆ ದೇವನೇ ನಿನ್ನನು ತನ್ನ ಬಳಿಗೆ ಕರೆದುಕೊಂಡಿರುವ
ಪರಹಿತಕ್ಕಾಗಿ ಈ ಜೀವನ ಎಂಬ ರೀತಿಯಲ್ಲಿ ಬದುಕಿದವಳು
ಎಲ್ಲಿ ಕುಳಿತರು, ಎಲ್ಲಿ ನಿಂತರೂ
ಮತ್ತದೇ ನೆನಪುಗಳ ಸಾಲು ಸಾಲು ಮೆರವಣಿಗೆ||3||
ನಿನ್ನಯ ಆ ನಗು, ಆತ್ಮೀಯತೆ ತುಂಬಿದ ಆ ನುಡಿಗಳ, ಪರೋಪಕಾರ ಗುಣಗಳನ್ನು
ಹೇಗೆ ಮರೆಯಲಿ ನಾನು
ಹೇಗೆ ಸಹಿಸಲಿ ನಿನ್ನ ಅಗಲಿಕೆಯ ಗೆಳತಿಯೇ
ನೀನೊಂದು ಮರೆಯದ ಮಾಣಿಕ್ಯ
ನಿನ್ನ ನಡೆ ನುಡಿಗಳು ಇತರರಿಗೆ
ಮಾದರಿ, ಆದರ್ಶಪ್ರಾಯ
ಭಗವಂತ ನಿನ್ನ ಆತ್ಮಕ್ಕೆ ಶಾಂತಿ – ನೆಮ್ಮದಿಗಳ ನೀಡಲಿ
ಇದೋ ನನ್ನ ಪ್ರೀತಿಯ ಗೆಳತಿಗೆ ಹೃದಯಪೂರ್ವಕ ನಮನಗಳು ||4||
ನಮಸ್ತೆ ಮೇಡಂ ಮೇಲ್ಕಂಡ ಕವನ ನನ್ನ ಸಹುದ್ಯೋಗಿ ಹಾಗೂ ಪ್ರೀತಿಯ ಗೆಳತಿಯನ್ನು ಕುರಿತು ಬರೆದಿರುವೆ ಕಳೆದ ವಾರ ಹೃದಯಾಘಾತದಿಂದ ಮರಣ ಹೊಂದಿದಳು ನಾಳೆ ಹನ್ನೆರಡನೇ ದಿವಸದ ಕಾರ್ಯವಿರುವುದು ನಾಳೆ ಪ್ರಕಟಿಸಿದರೆ ಉತ್ತಮ
ಎಂ.ಎಸ್. ಆಶಾಲತಾ, ಸಹಾಯಕ ವ್ಯವಸ್ಥಾಪಕರು, ಎಂಡಿಸಿಸಿಬ್ಯಾಂಕ್, ಮದ್ದೂರು (ಚನ್ನಪಟ್ಟಣ)
