ಶ್ರೀ ಗಣೇಶ ಸಹಸ್ರನಾಮ ಭಾಷ್ಯ : ಪುಟ – 181
ಸಂಸ್ಕೃತದಿಂದ ಕನ್ನಡಾನುವಾದ :
ಶ್ರೀ ದತ್ತವಿಜಯಾನಂದ ತೀರ್ಥ ಸ್ವಾಮೀಜಿ ,
ಅವಧೂತ ದತ್ತ ಪೀಠಂ,
ಮೈಸೂರು .
ಶ್ರೀ ಗಣೇಶ ಸಹಸ್ರ ನಾಮಾವಳಿಯ ಅರ್ಥವನ್ನು MP ( ಮೈಸೂರು ಪತ್ರಿಕೆ ) -ಆಧ್ಯಾತ್ಮಿಕ ಅಂಗಳದ ಅಂಕಣದಲ್ಲಿ ಪ್ರಕಟಿಸುವ ಪ್ರಯತ್ನವನ್ನು ಮಾಡಲು ಮುಂದಾಗಿದೆ ಎಂದು ತಿಳಿಸಲು ಹರ್ಷಿಸುತ್ತದೆ . ಗಣೇಶನ ಸಹಸ್ರನಾಮಾದ ಅರ್ಥ ಓದುವುದರ ಮೂಲಕ ಕೆಲಸ ಕಾರ್ಯಗಳು ನಿರ್ವಿಘ್ನವಾಗಿ ನಡೆಯಲಿ ಎಂದು ಆಶಿಸುತ್ತೇವೆ . ( ಸಂಪಾದಕ )
ಇಂದಿನ ನಾಮಾವಳಿಗಳು :
976 . ಓಂ ಶತಾನೀಕಾಯ ನಮಃ
977 . ಓಂ ಶತಮಖಾಯ ನಮಃ
978 . ಓಂ ಶತಧಾರಾವರಾಯುಧಾಯ ನಮಃ
979 . ಓಂ ಸಹಸ್ರಪತ್ರನಿಲಯಾಯ ನಮಃ
980 . ಓಂ ಸಹಸ್ರಫಣಭೂಷಣಾಯ ನಮಃ
976. ಓಂ ಶತಾನೀಕಃ-
ಭಾ: ಶತಾನೀಕೋ ಭೂರಿಸೈನ್ಯಃ……………
ಗಣೇಶನ ಸೈನ್ಯಗಣವು ಹೆಚ್ಚಾಗಿರುವುದರಿಂದ ಅವನು ಶತಾನೀಕನು. (ಅನೀಕ – ಸೈನ್ಯ)
ಓಂ ಶತಾನೀಕಾಯ ನಮಃ
977. ಓಂ ಶತಮಖಃ-
ಭಾ: ……………………….ಶಕ್ರಃ ಶತಮಖೋ ಭವಾನ್‌
ಅಥವಾ ಬಹು ಸಂಖ್ಯಾನಿ ಪೂಜನಾದೀನಿ ಯಸ್ಯ ಸಃ
ಗಣೇಶನೇ ಇಂದ್ರನಾದ್ದರಿಂದ ಅವನು ಶತಮಖನು. ಅಥವಾ ಯಾರ ಪೂಜಾ ವಿಧಾನಗಳು ಅನೇಕವಿರುವುವೋ ಅವನು ಶತಮಖನು.
ಓಂ ಶತಮಖಾಯ ನಮಃ
978. ಓಂ ಶತಧಾರಾವರಾಯುಧಃ-
ಭಾ: ಶತಂ ಧಾರಾ ಅರಾಸ್ತೀಕ್ಷ್ಣಾ ಯದಾಯುಧವರಸ್ಯ ಸಃ
ವಜ್ರೋತ್ಕೃಷ್ಟಾಯುಧೋ ವಾ7ಪಿ ಶತಧಾರಾವರಾಯುಧಃ
ಯಾರ ಆಯುಧದಲ್ಲಿ ತೀಕ್ಷ್ಣವಾದ ನೂರು ಅಂಚುಗಳು ಇವೆಯೋ ಅವನು ಶತಧಾರಾವರಾಯುಧನು. ಅಥವಾ ಗಣೇಶನ ಕೈಯಲ್ಲಿರುವ ಆಯುಧವು ವಜ್ರಾಯುಧಕ್ಕಿಂತಲೂ ಶ್ರೇಷ್ಠವಾದುದರಿಂದಲೂ ಗಣೇಶನು ಶತಧಾರಾವರಾಯುಧನು. (ಶತಧಾರಾ ವಜ್ರಾಯುಧ)
ಓಂ ಶತಧಾರಾವರಾಯುಧಾಯ ನಮಃ
ಸಹಸ್ರಪತ್ರನಿಲಯಃ ಸಹಸ್ರಫಣಭೂಷಣಃ
ಸಹಸ್ರಶೀರ್ಷಾಪುರುಷಃ ಸಹಸ್ರಾಕ್ಷಸ್ಸಹಸ್ರಪಾತ್‌
979. ಓಂ ಸಹಸ್ರಪತ್ರನಿಲಯಃ-
ಭಾ: ಸಹಸ್ರಪತ್ರನಿಲಯೋ ಬ್ರಹ್ಮರಂಧ್ರಸ್ಥಪದ್ಮಗಃ
ಬ್ರಹ್ಮರಂಧ್ರದ ಪದ್ಮದಲ್ಲಿರುವವನು ಸಹಸ್ರಪತ್ರನಿಲಯನು.
ಓಂ ಸಹಸ್ರಪತ್ರನಿಲಯಾಯ ನಮಃ
980. ಓಂ ಸಹಸ್ರಫಣಭೂಷಣಃ-
ಭಾ: ಫಣಾಸಹಸ್ರವದ್ಭೂಷ್ಯಃ ಸಹಸ್ರಫಣಭೂಷಣಃ
ಸಾವಿರ ಹೆಡೆಗಳಿರುವ ಆದಿಶೇಷನನ್ನು ಅಲಂಕರಿಸಿಕೊಂಡಿರುವುದರಿಂದ ಸಹಸ್ರಫಣಭೂಷಣನು. ಅಥವಾ ಆದಿಶೇಷನಂತೆ ಪ್ರಕಾಶಿಸುತ್ತಿರುವುದರಿಂದ ಸಹಸ್ರಫಣಭೂಷಣನು.
ಓಂ ಸಹಸ್ರಫಣಭೂಷಣಾಯ ನಮಃ
( ಮುಂದುವರೆಯುವುದು )
( ಸಂಗ್ರಹ )
* ಭಾಲರಾ
ಬೆಂಗಳೂರು
